पुनर्वासमा आँखा शिबिर सम्पन्न

-Hello Punarwas

शनिवार, १० कार्तिक 10:01 PM

हरिलाल जोशी 
पुनर्वास, १० कार्त्तिक ।
कञ्चनपुरको पुनर्वास नगरपालिका–३,आई.बी.आर.डी.स्थित जनकल्याण माध्यामिक विद्यालयको प्राङ्गणमा शनिबार एक दिने निशुल्क आँखा शिबिर सम्पन्न भएको छ ।
स्वदेशी लघुवित्त वित्तिय संस्था लिमिटेड शाखा पुनर्वास र नेपाल नेत्र ज्योति संघ गेटा आँखा अस्पताल कैलालीको संयुक्त आयोजनामा भएको आँखा शिबिरमा कुल ६ सय ४३ जनाले सेवा लिएका मध्ये ३ सय ७६ जना महिला र पुरुष २ सय ६७ जना रहेका थिए । सो शिविरमा कैलाली,कञ्चनपुरको विभिन्न क्षेत्र र छिमेकी राष्ट्र भारतको उत्तर प्रदेशबाट पनि सेवाग्राहीहरु आएका थिए ।

 

शिविरमा निशुल्क औषधी , सहुलियत मूल्यमा चश्मा उपलब्ध गराएको थियो भने १ सय ७८ जनाको मोति बिन्दुको समस्या देखिएकोले उक्त बिरामीहरुलाई निशुल्क अप्रेशन गेटा आँखा अस्पतालमा गराईने स्वदेशी लघुवित्त वित्तिय संस्था लिमिटेड शाखा पुनर्वासका प्रबन्धक हेमराज अवस्थीले जानकारी दिए । नेपाल राष्ट्र बैंकबाट “घ”वर्गको ईजाजत प्राप्त राष्ट्रिय स्तरको लघुवित्त वित्तिय संस्थाको केन्द्रीय कार्यालय सुनसरी, ईटहरी रहेको र देशभरी हालसम्म ७३ वटा शाखाबाट सेवा दिदै आईरहेको पनि पुनर्वास शाखाका प्रबन्धक अवस्थीले बताए ।

थप सम्बन्धित समाचार
Follow
Us